„თანამშრომლობა ადგილობრივ თვითმმართველობასთან“ - ღია გაკვეთილი რუსთავის #12 საჯარო სკოლაში

სსიპ ქ.რუსთავის #12 სკოლის მე-9 ა კლასთან სამოქალაქო განათლების პედაგოგმა ირინა მელქაძე-გელაშვილმა ჩატარა ღია გაკვეთილი სამოქალაქო განათლებაში თემაზე „თანამშრომლობა ადგილობრივ თვითმმართველობასთან“ (სამოქალაქო განათლების დამხმარე სახელმძღავნელოს „თანამშრომლობა ადგილობრივ თვითმმართველობასთან“ გამოყენებით.) გაკვეთილს ესწრებოდნენ სამოქალაქო განათლების მასწავლებელთა ფორუმის თავმჯდომარე, წიგნის ავტორი, ექსპერტი ნინი ბესელია, სსიპ ქ.რუსთავის #12 სკოლის ადმინისტრაციის წარმომადგენლები და პედაგოგები.

გაკვეთილის მიზანი იყო: ადგილობრივ თვითმმართველობასთან კონკრეტული თანამშრომლობის გზების დასახვა/მოდელირება.

გაკვეთილი დაიწყო დღის ფრაზის წარდგენით, რომელიც ეკუთვნის ალექსი დე ტოკვილს: "თვითმმართველობის გარეშე ერს შეუძლია შექმნას თავისუფალი და დამოუკიდებელი მთავრობა და სხვა სახელმწიფო ინსტიტუტები, მაგრამ მის გარეშე თავისუფლების ჭეშმარიტ სულს იგი ვერ შეიმცნებს", რის შემდეგადაც მოსწავლეებმა იხილეს ფილმი „შეანელე“ (ფილმი გადაღებულია სამოქალაქო კლუბის „Bridge“ის მიერ 2013 წელს), რომელშიც აღწერილი იყო ქ.რუსთავის ვაჟა-ფშაველს ქუჩაზე არსებული სატრანსორტო პრობლემა, კერძოდ სამანქანე გზაზე არ არსებული შუქნიშანი, საგზაო ნიშნები, მოძრაობის შემაფერხებელი, გადასასვლელი, რაც ქმნის ძალზედ დიდ პრობლემას როგორც ფეხით მოსიარულეთათვის, ისე საავტომობილო ტრანსპორტისათვის. ამის შემდგომ მოსწავლეებმა იმსჯელეს ამ საკითხის მოგვარების გზებსა და საშუალებებზე და გაიხსენეს ადგილობრივი თვითმმართველობის როლი, ფუნქციები, ვალდებულებები და წარმოშობის ისტორია. შედეგად სახელმძღვანელოში მოყვანილ მაგალითებზე დაყრდნობით გაიზიარეს  გამოცდილება და შექმენს კოლექტიური  წერილი  თვითმმართველი ქალაქის მერის სახელზე. შეჯამებისას მოსწავლეებმა ისარგებლეს თვითშეფასების რუბრიკით, რომლის საშულებითაც შეიფასეს ცოდნა (საკითხისადმი წვდომა), უნარი (ჩართულობა, კომუნიკაცია, თანამშრომლობა) და დამოკიდებულება (არგენებტაცია).

დასასრულს ქალბატონმა ნინი ბესელიამ  შეაქო მოსწავლეთა ინიციატივა და შესთავაზა  გააკეთონ აქცია ქუჩაზე, საგზაო ნიშნებთან დაკავშირებით, დაარიგონ შესაბამისი ფლაერები და აუმაღლონ ცნობიერება საზოგადოებას. ასევე მან მოსწავლეებს მოუწონა ზრუნვა თემზე, ქალაქზე და დემოკრატიის ეს პატრიოტული სულისკვეთება შექებით წაუხალისა. მან სიხარულით აღნიშნა ქ.რუსთავში ასეთი აქტუალურობით სამოქალაქო განათლების სწავლება და მადლობა გადაუხადა ამისათვის ამავე საგნის ტრენერს და ამ ჯერად პედაგოგს ირინა მელქაძე-გელაშვილს.

სკოლის დირექტორის მოვალეობის შემსრულებელმა ნანა თევზაძემ თავის უკუკავშირში ხაზი გაუსვა სკოლაში კლუბური მუშაობის მნიშვნელობაზე და განსაკუთრებით ამ საგნის წინაშე სამოქალაქო განათლების მასწავლებელთა დახმარებაზე.

შედეგად პედაგოგმა და მისმა მოსწავლეებმა გადაწყვიტეს წერილის უკვე ოფიციალური ნაწილის  დამუშავება და ადგილობრივ თვითმმართველობაში ამ ინიციატივით შესვლა.