საკონსულტაციო შეხვედრა #23 სკოლის სამოქალაქო კლუბთან

6 დეკემბერს სიქა-ს ოფისში შედგა საკონსულტაციო შეხვედრა რუსთავის #23 საჯარო სკოლის სამოქალაქო კლუბის წევრებთან, რომელთა საგრანტო პროექტმა "ახალგაზრდები ჯანსაღი ცხოვრებით" გაიმარჯვა და კლუბიც უკვე შეუდგა მის განხორციელებას. კლუბის წევრებმა სიქა-ს ინფორმაცია მიაწოდეს უკვე გაწეული სამუშაოების შესახებ და კონსულტაციებიც მიიღეს შემდეგი აქტივობებისათვის. მათ დაიწყეს კლუბის ბლოგის შექმნაც, სადაც ინფორმაციას განათავსებენ განხორციელებული აქტივობების შესახებ და ამ ბლოგით მონაწილეობას მიიღებენ სიქა-ს მიერ გამოცხადებულ ბლოგერების კონკურსში, რომელიც 20 დეკემბერს სრულდება.

საგრანტო პროექტებზე ბოლო კონსულტაციები

1 ნოემბერს სიქა-ს ოფისში შედგა ბოლო საკონსულტაციო შეხვედრა საგრანტო პროექტებთან დაკავშირებით, რომელსაც ესწრებოდნენ რუსთავის #5, 21, 23 სკოლების სამოქალაქო კლუბების წევრები. მოსწავლეებმა   კონსულტაციები მიიღეს საგრანტო განაცხადებთან დაკავშირებით, რომელსაც წერენ.

სემინარი NATO-ს თემაზე

2011 წლის 17 ოქტომბერს სსიპ რუსთავის ი.ჭავჭავაძის სახ. #1 საჯარო სკოლის სამოქალაქო განათლების კლუბის “მოდერნის” და მოსწავლეთა თვითმართველობის ორგანიზებით მოეწყო NATO-ს დღისადმი მიძღვნილი შეხვედრა . მოსწავლეებმა წინასწარ მოამზადეს კედლის გაზეთები, სლაიდები და მოხსენებები NATO -ს თემასთან დაკავშირებით. შეხვედრაზე მოხდა მოსწავლეთა მიერ მომზადებული მასალების პრეზენტაცია და დამატებითი ინფორმაციის მიწოდება NATO-თან დაკავშირებით კითხვა-პასუხის რეჟიმში. შეხვედრას ორგანიზება გაუწია ისტორიის მასწავლებელმა და კლუბის მეურვემ. შეხვედრას ესწრებოდნენ სკოლის მოსწავლეები, პედაგოგები, მოწვეული სტუმრები .

 შეხვედრის შემდეგ მოსწავლეების ინიციატივით მოხდა  სკოლის მიმდებარე ტერიტორიის დალაგება-დასუფთავება....

საგრანტო პროექტებზე მუშაობა

25 ოქტომბერს სიქა-ს ოფისში რუსთავის სამოქალაქო კლუბების წევრებმა, ლეები რომლებიც სამუშაობენ საგრანტო პროექტებზე, მიიღეს დამატებითი დეტალური კონსულტაცია საგრანტო აპლიკაციის შევსების შესახებ. მოსწავლეებმა ტრენერების დახმარებით რედაქტირება გაუკეთეს საგრანტო პროექტების აპლიკაციებს, განიხილეს საგრანტო პროექტების ბიუჯეტები. ტრენინგზე სხვადასხვა კლუბების მოსწავლეებმა 4 საგრანტო განაცხადზე  იმუშავეს. 

საგრანტო პროექტებზე მუშაობა დაიწყო

18 ოქტომბერს სიქა-ს ოფისში გაიმართა ტრენინგი სამოქალაქო კლუბების წევრებისათვის, რომელსაც ესწრებოდნენ რუსთავის #4,5,11,13,14  23 და გარდაბნის მუნიციპალიტეტის მარტყოფის #1, გამარჯვების, ნორიოს, ტანძიის, გარდაბნის #1, შულავერის #1, ქვ.ბოლნისის #1, სართიჭალის #1 და #2  და კრწანისის საჯარო სკოლების წარმომადგენლები.  ტრენინგის მონაწილეებმა შეისწავლეს საგრანტო განაცხადის ონლაინ აპლიკაციის შევსება, დარეგისტრირდნენ საიტზე initiatives.ge და დაიწყეს საგრანტო განაცხადების ატვირთვა.

მცირე გრანტების საკონსულტაციო შეხვედრა რუსთავისა და გარდაბნის სამოქალაქო კლუბებისათვის

27 სექტემბერს სიქა-ს ოფისში  გაიმართა საკონსულტაციო შეხვედრა რუსთავისა და გარდაბნის რაიონის სკოლების სამოქალაქო კლუბების წარმომადგენელთათვის. შეხვედრას ესწრებოდნენ რუსთავის, გარდაბნის, გამარჯვების, ლემშვენიერას სამოქალაქო კლუბების წევრები და მეურვეები. საგრანტო მიმართულების კოორდინატორმა ცირა თავშვაძემ შეხვედრის დამსწრეებს მიაწოდა ინფორმაცია საგრანტო კონკურსში მონაწილეობისათვის საჭირო აქტივობების შესახებ.

მოსწავლეთა სამოქალაქო კლუბების საკონსულტაციო შეხვედრა

20 სექტემებრს სიქა-ს ოფისში გაიმართა საგრანტო საკონსულტაციო შეხვედრა მოსწავლეთა სამოქალაქო კლუბების წევრებისა და მეურვეებისათვის. შეხვედრას ესწრებოდნენ რუსთავის პროგრამის სამიზნე სკოლების 30-დე წარმომადგენელი. მათ მიეწოდათ დეტალური ინფორმაცია სამოქალაქო განათლებისა და პედაგოგთა გადამზადების პროგრამის მეორე წლის პრიორიტეტებისა და გეგმის შესახებ. შეხვედრის მთავარი თემა საგრანტო კონკურსების შესახებ ინფორმაციის მიწოდება და მზადება იყო. 

საკონსულტაციო შეხვედრები განახლდა

17 სექტემბერს სიქა-ში გაიმართა შეხვედრა რუსთავის სამოქალაქო კლუბების ლიდერებთან და მეურვეებთან. შეხვედრაზე კლუბების წარმოამდგნელებს გააცნეს მცირე ცვლილებები "სამოქალაქო განათლებისა და პედაგოგთა გადამზადების პროგრამაში". დაისახა ახალ სასწავლო წელს პროგრამის ფარგლებში განსახორციელებელი აქტივობების გეგმები, ახალი ინიციატივები. განიხილეს მიმდინარე დასრულებული საგრანტო პროექტები. დადგინდა - ყოველ სამშაბათს 16 საათზე სიქა-ს ოფისში გაიმართება შეხვედრები და კონსულტაციები პროგრამის სამიზნე სკოლების წარმომადგენელთათვის. 

შეხვედრას უძღვებოდნენ პროგრამის დირექტორი ქვემო ქართლის რეგიონში ინგა პაიჭაძე და საგრანტო მიმართულების კოორდინატორი ცირა თავშავაძე. 

ვორკშოპი საქართველოში ახალგაზრდული პოლიტიკის შემუშავების თემაზე

‎10 სექტემბერს სიქა-ს ახალ ოფისში გაიმართა ვორკშოპი საქართველოში ახალგაზრდული პოლიტიკის შემუშავების თემაზე, რომელშიც მონაწილეობა მიიღეს რუსთავის მოსწავლეთა სამოქალაქო კლუბების წევრებმა. ახალგაზრდებმა განიხილეს საქართველოს ახალგაზრდობის საჭიროებები, პრობლემები და მათი მოგვარების გზები. სამუშაო შეხვედრას უძღვებოდნენ სიქა-ს ახალგაზრდული მუშაკები მარი აბულაძე და კახა ფაშურიშვილი.

შეხვედრა საკრებულოში

15 ივნისს ქ. რუსთავის მოსწავლეთა სამოქალაქო კლუბების აქტიური წევრები და პროგრამის კოორდინატორი ქვემო ქართლში ინგა პაიჭაძე შეხვდნენ ქ. რუსთავის მერიის და თვითმმართველობის წარმომადგენლებს, ქალაქის მაჟორიტარ დეპუტატს.

შეხვედრაზე ქალაქის ხელმძღვანელობას კიდევ ერთხელ გააცნეს სამოქალაქო განათლებისა და პედაგოგთა გადამზადების პროგრამა, განხორციელებული აქტივობები. შეხვედრისას მოსწავლეებმა ქალაქის ხელმძღვანელობის წინაშე ქალაქში არსებული რამდენიმე პრობლემა და მისი მოგვარების გზები დასახეს. ერთ-ერთი პრობლემა სამარშრუტო ტაქსებში მძღოლების მიერ ნიკოტინის მოხმარების ფაქტებია, რასაც მასიური სახე აქვს. ამის გამო  საზოგადოებრივი ტრანსპორტით გადაადგილება უკვე ჯანმრთელობისათვის საზიანო ხდება.საკრებულოს თავ-რემ მოსწავლეებს აღუთქვა, ქალაქის თვითმმართველობა სატრანსპორტო კომპანიებს ხელშეკრულებაში ჩაუდებს მუხლს მგზავრთა "ჯანსაღი" გადაადგილების თაობაზე. 

კიდევ ერთი საკითხი, რომელიც მოსწავლეებმა დასვეს საკრებულოს წინაშე ქალაქის სკოლებში  ველოსადგომების მოწყობის საკითხია. ქალაქის მესვეურები აღნიშნული საკითხის ქალაქის პრიორიტეტების ერთ-ერთ პუნქტად დასმას შეპირდნენ. მსგავს შეხვედრებს ქ. რუსთავის ხელმძღვანელობასა და მოსწავლეთა სამოქალაქო კლუბების წევრებს შორის პერმანენტული ხასიათი ექნება.

სტუმრად "ჩვენს ეზოში"

ქვემო ქართლის სამოქალაქო კლუბების აქტიურმა წევრებმა, კლუბის მეურვეებმა  და სიქა-ს გუნდმა მონაწილეობა მიიღო საქართველოს სახელმწიფო მაუწყებლობის პროგრამა "ჩვენი ეზოს" სატელევიზიო ჩაწერაში. გადაცემა მიეძღვნა 'სამოქალაქო განათლებისა და პედაგოგთა გადამზადების პროგრამას", მის პრიორიტეტებს, განხორციელებულ და მომავალ  აქტივობებს.  გადაცემაში ასევე მონაწილეობას იღებდა პროგრამაში ჩართული დელეგაცია სამცხე-ჯავახეთის რეგიონიდან.

შუალედური ანგარიშისთვის მზადება

23 მაისს სიქა-ს ოფისში შედგა სამუშაო შეხვედრა რუსთავის საჯარო სკოლების სამოქალაქო კლუბების მეურვეებსა და წევრებთან, რომლის მთავარი მიზანი იყო 25 მაისს დაგეგმილი შუალედური ანგარიშისთვის მზადება. სამოქალაქო კლუბის წევრებს მიეწოდათ დეტალური ინფორმაცია დაგეგმილი ღონისძიების პროგრამის შესახებ, ასევე თუ რა სახის პრეზენტაციები და პოსტერები უნდა წარმოადგინონ სკოლებმა. აღინიშნა, რომ ძირითად მომხსენებლები იქნებიან აქტიური სამოქალაქო კლუბები, რომლებმაც გრანტი მიიღეს. შეგახსენებთ, რომ 25 მაისს რუსთავის №15 საჯარო სკოლაში შედგება "სამოქალაქო განათლებისა და პედაგოგთა გადამზადების პროგრამის" შუალედური შეფასება, რომელზეც პროგრამის დონორების და PH-International-ის წარმომადგენლების წინაშე ანგარიშით წარსდგებიან ქვემო ქართლის სამოქალაქო კლუბები.

ღონისძიებისთვის "ეკობორბალი" მზადება

11 მაისს სიქა-ს ოფისში შედგა ოთხშაბათის ტრადიციული შეხვედრა სამოქალაქო კლუბების წევრებსა და მეურვეებთან, რომლის მთავარი თემა იყო 12 მაისს დაგეგმილი ღონისძიებისთვის "ეკობორბალი" მზადება.  შეხვედრას ესწრებოდნენ # 1, 4, 7,10,12,16,17, 23 და 25 საჯარო სკოლების  წარმომადგენლები. მათ ისაუბრეს დაგეგმილი ღონისძიების მიზანზე, აქტივობებსა და მოსალოდნელ რისკებზე. კლუბებმა დააზუსტეს დავალებები, მიიღეს შესაბამისი მითითებები და საჭირო საკანცელარიო მასალა.

დებატების ტურნირისთვის მზადება

7 მაისს ჩატარდა მორიგი თამაში კარლ პოპერის სახელობის დებატებში. მოთამაშე გუნდები შედგებოდა რუსთავის № 1,4,10, და №11 საჯარო სკოლების  სამოქალაქო განათლების კლუბების წევრებისგან. თამაში საინტერესოდ წარიმართა და გამოვლინდა გამარჯვებული გუნდი „მტკიცებითი გუნდი“. ბავშვებმა  მსაჯისგან (ნინო ვარდიაშვილი) მიიღეს რჩევები და შენიშვნები ხარვეზებთან დაკავშირებით და ასევე შექება  კარგი მოხსენებებისთვის.დაიგეგმა შემდეგი  თამაში.

4 მაისის შეხვედრა სამოქალაქო კლუბების ლიდერებთან

   4 მაისს სიქა-ს ოფისში სამოქალაქო კლუბების ლიდერების მორიგ შეხვედრას ესწრებოდნენ № 5, 7, 15, 16, 17, 23 და 24 სკოლის მოსწავლეები. თავდაპირველად მათ იხილეს პროექტის "მწვანე გამოწვევა რუსთავის საზოგადოებას" პრეზენტაცია.     

   შეხვედრაზე დამსწრე მოსწავლეებმა  მიიღეს დამატებითი კონსულტაციები საგრანტო განაცხადებთან დაკავშირებით. 

დებატების ტურნირისთვის მზადება

30 აპრილს და 2 მაისს ჩატარდა მორიგი შეხვედრები დებატების ხელოვნების სწავლებაში, შეხვედრებს დაესწრნენ #1, #4, #7, #10, #11, #12, #15, #21, #22, #24, #25 საჯარო სკოლების სამოქალაქო კლუბების  წევრები. ორივე შეხვედრაზე მოეწყო თამაშები შემდეგ რეზოლუციაზე „ მასმედიის ცენზურა გამართლებულია“.

ბავშვებმა კარგად გაართვეს თავი თავიანთ მოვალეობებს და პირველი თამაშისთვის შეძლებისდაგვარად კარგად ითამაშეს. თამაშების ბოლოს მოთამაშეებმა მსაჯისგან მიიღეს რჩევები უკეთესი თამაშისთვის.  

საგრანტო კონკურსზე კონსულტაცია

27 აპრილს სიქა-ს ოფისში შედგა მორიგი საკონსულტაციო შეხვედრა საგრანტო განაცხადებთან დაკავშირებით, რომელსაც ესწრებოდნენ რუსთავის №1,4,7,9,12,13,21,24,25 სკოლების სამოქალაქო კლუბების წევრები და მეურვეები და გამარჯვების საჯარო სკოლის სამოქალაქო კლუბის მეურვე. კლუბების რამდენიმე  წევრმა გაიხსნა ელ.ფოსტა და დარეგისტრირდა საგრანტო განაცხადების საიტზე. შემდეგ დიდ ეკრანზე შედგა საგრანტო განაცხადის ონ-ლაინში შევსების ჩვენება.  მონაწილეებმა მიიღეს ინდივიდუალური რეკომენდაციები პროექტის საბოლოო დასახვეწად.

გამწვანების აქცია რუსთავის მე–17 საჯარო სკოლაში

ქ.რუსთავის მე–17 საჯარო სკოლის მოსწავლეთა სამოქალაქო კლუბმა ინიცირება გაუკეთა გამწვანების აქციას.  20 აპრილს ორგანიზებულ აქციას თვითმმართველი ქალაქი რუსთავის მერის მოადგილე შორენა გარდაფხაძე  დაესწრო. აქციის  ფარგლებშიც სკოლის ტერიტორიაზე სხვადასხვა ჯიშის 40-მდე ხის ნერგი დაირგო. აღსანიშნავია, რომ ნერგები, მე–17 საჯარო სკოლას ჩაღლარის დაწესებლებების რუსთავის, რუსთაველის სახელობის სკოლა–ლიცეუმის დირექციამ, საჩუქრად გადასცა. შორენა გარდაფხაძემ აქციას მნიშვნელოვანი უწოდა და სკოლა – ლიცეუმის ხელმძღვანელობას აქციის მხარდაჭერისთვის მადლობა გადაუხადა. 

მორიგი საკონსულტაციო შეხვედრა სიქა-ს ოფისში

20 აპრილს სიქა-ს ოფისში შედგა მორიგი საკონსულტაციო შეხვედრა საგრანტო განაცხადებთან დაკავშირებით. შეხვედრას ესწრებოდნენ რუსთავის №11, 25 და გარდაბნის რაიონის გამარჯვების საჯარო სკოლის პედაგოგები და მოსწავლეები. მოსწავლეებმა გახსნეს ელ.ფოსტები,  რეგისტრაცია გაიარეს საგრანტო განაცხადების კონკურსზე და ონლაინში დაიწყეს საგრანტო განაცხადის შევსება. შეხვედრა კითხვა-პასუხის რეჟიმში გაგრძელდა, რომლის შედეგად მოსწავლეებმა  მიიღეს სასარგებლო ინფორმაციები საგრანტო თემებთან და აპლიკაციის ფორმასთან დაკავშირებით.

დებატების ტურნირისთვის მზადება

16 აპრილს გიორგი თვალიაშვილმა ჩაატარა მორიგი ტრენინგი დებატების ხელოვნებაში. ტრენინგს ესწრებოდა რუსთავის 5 საჯარო სკოლის(№1, №2, №7,№10, №11)  მოსწავლეები. მონაწილეებმა გაიგეს დებატების ფორმატის ტექნიკური დეტალები და ითამაშეს საცდელი თამაში. ბავშვები აქტიურად იყვნენ ჩართულნი ტრენინგში და მიიღეს დავალება: შემდეგ ტრენინგზე გუნდებს უნდა ჰქონდეთ დაწერილი ქეისები შემდეგ რეზოლუციაზე „მასმედიის ცენზურა გამართლებულია “.

რეგიონული ტურნირის სამზადისი

11 აპრილს ნინო ვარდიაშვილმა ჩაატარა მორიგი სემინარი დებატების ხელოვნებაში რუსთავის 5 საჯარო სკოლის ( №15, №21, №22, №24, №25) კლუბის  წევრებისთვის. მოსწავლეებმა მიიღეს ინფორმაცია ფორმალური დებატების, კერძოდ კი ფასეულობათა დებატების შესახებ. გაიგეს კითხვათა ფორმების, დებატების ტექნიკური და შინაარსობლივი დეტალების შესახებ. მონაწილეები ძალიან აქტიურად იყვნენ ჩართულნი სამუშაო პროცესში და დისკუსიებში.

დებატების რეგიონალური ტურნირისთვის მზადება

პროგრამის ფარგლებში დაიწყო რეგიონალური დებატების ტურნირისთვის მზადება. 9 აპრილს „სიქას“ ოფისში  დაიწყო სამუშაო შეხვედრები, კერძოდ კი სემინარები ფორმალური დებატების სწავლებაში. პირველ სემინარს დაესწრო 5 საჯარო სკოლის (№1, №2, № 7, №10,  №11 ) სამოქალაქო კლუბების 13 წევრი. საწყის ეტაპზე სემინარები ჩაუტარდებათ  რუსთავის 14 სკოლის სამოქალაქო კლუბის წევრებს,  ერთი სკოლიდან - 3 მოსწავლეს.

სემინარები დებატების ხელოვნებაში  გაგარძელდება 2 თვის (აპრილი, მაისი) განმავლობაში. იგეგმება კვირაში 3-4 სემინარი და კონსულტაციები კლუბის წევრებთან  მათი საჭიროებიდან გამომდინარე.

სამუშაო შეხვედრა ქ. რუსთავის №9 საჯარო სკოლაში

სიქა-საგანმანათლებლო ინიციატივების ქართული ასოციაციის წარმომადგენელი 7 აპრილს შეხვდა რუსთავის №9 საჯარო სკოლის დირექციას, სკოლის აქტიურ მოსწავლეებს. განიხილეს სკოლაში სამოქალაქო კლუბის მუშაობის პერსპექტივები.

სკოლას გადაეცა პროგრამის ფარგლებში დაბეჭდლილი პოსტერი, კალენდრები და საკანცელარიო მასალა. 

სამუშაო შეხვდრა რუსთავის 26 საჯარო სკოლაში

7 აპრილს ქ.რუსთავის 26  საჯარო სკოლაში გაიმართა სამუშაო შეხვედრა  "სამოქალაქო განათლებისა და პედაგოგთა გადამზადების პროგრამის" ფარგლებში. შეხვედრას ესწრებოდნენ სკოლისა დირექტორი, ადმინისტრაციის წარმომადგენლები, სამოქალაქო განათლების პედაგოგი და სკოლის აქტიური უფროსკლასელი მოსწავლებეი. მოსწავლეებმა  მიიღეს ამომწურავი ინფორმაცია  საკლუბო სამოქალაქო აქტივობებისა და საგრანტო პროექტებზე მუშაობის შესახებ .

შეხვედრა რუსთავის №17 საჯარო სკოლაში

 7 აპრილს სიქა-საგანმანათლებლო ინიციატივების ქართული ასოციაციის წევრები შეხვდნენ რუსთავის № 17 საჯარო სკოლის წარმომადგენლებს: დირექციას, სამოქალაქო განათლების პედაგოგსა და მოსწავლეებს.

შეხვედრის მონაწილეებმა მიიღეს ინფორმაცია პროგრამის შესახებ, გაეცნენ მის პრიორიტეტებსა და პირობებს.

სკოლას გადაეცა პროგრამის ფარგლებში დაბეჭდლილი პოსტერი, კალენდრები და საკანცელარიო მასალა. 

შეხვედრა რუსთავის საჯარო სკოლების სამოქალაქო კლუბების მეურვეებთან

6 აპრილს მორიგი სამუშაო შეხვედრა გაიმართა სიქა-ს ოფისში, სადაც რუსთავის სკოლების სამოქალაქო კლუბის მეურვეებმა ანგარიშები  წარმოადგინეს ჩატარებული  ღონისძიებების შესახებ.   სკოლების სამოქალაქო კლუბების მიერ შექმნილი ბლოგების დათვალიერებაც მოეწყო დიდ ეკრანზე. შეხვედრას ესწრებოდნენ ახლადშექმნილი სამოქალაქო კლუბების წარმომადგენლებიც, რომლებმაც ინფორმაცია მიიღეს, თუ რა სახის აქტივობები შეუძლიათ განახორციელონ თავიანთ კლუბებში. შეხვედრაზე ასევე განიხილეს საგრანტო განაცხადების ახალი თემები. მეურვეებმა აღნიშნეს, რომ  რუსთავის 2 სკოლის სამოქალაქო კლუბის მიერ გრანტის მოპოვებამ მათ სტიმული მისცა და გადაწყვიტეს მიმდინარე თვეში აუცილებლად შეიტანონ განაცხადი მცირე გრანტების კონკურსზე.

სამუშაო ვიზიტი ქ.რუსთავის №24 საჯარო სკოლაში

5 აპრილს რუსთავის 24–ე საჯარო სკოლაში მოეწყო სამუშაო შეხვედრა "სამოქალაქო განათლებისა და პედაგოგთა გადამზადების პროგრამის" ფარგლებში. შეხვედრას ესწრებოდნენ სკოლის აქტიური უფროსკლასელი მოსწავლეები, სკოლის დირექტორი და სამოქალაქო კლუბის მეურვე. სკოლის ადმინისტრაციისა და მოსწავლეების მხრიდან გამოიკვეთა განსაკუთრების დიდი ინტერესი საკლუბო სამოქალაქო აქტივობებისა და საგრანტო პროექტებისადმი. 

შეხვედრა №13 საჯარო სკოლაში

5 აპრილს რუსთავის მე–13 საჯარო სკოლაში მოეწყო მორიგი შეხვედრა სამოქალაქო განათლებისა და პედაგოგთა გადამზადების პროგრამის ფარგლებში. პრეზენტაციას ესწრებოდნენ სკოლის დირექტორი, სასწავლო ადმინისტრაციისა და სამოქალაქო განათლების პედაგოგები. დაიგეგმა პროგრამაში აქტიური ჩართვის შემდეგი კონკრეტული ნაბიჯები.

№11 და №12 საჯარო სკოლების სამოქალაქო კლუბების სამუშაო შეხვედრა

30 მარტს  „სიქა-საგანმანათლებლო ინიციატივების ქართული ასოციაციის“ ოფისში შედგა  № 11 და № 12 საჯარო სკოლების  სამოქალაქო კლუბების სამუშაო შეხვედრა. შეხვედრას ესწრებოდნენ  სამოქალაქო განათლების 2 პედაგოგი და 12 მოსწავლე. ბავშვებმა გონებრივი იერიშის მეთოდის ჩამოყარეს  იდეები თუ რა სჭირდება კლუბს რომ შედგეს. მოსწავლეები ასევე გაეცნენ პროგრამის უპირატესობებს და დაგეგმეს შემდეგი სამუშაო შეხვედრა.

პროგრამის პრეზენტაცია №7 საჯარო სკოლაში

30 მარტს რუსთავის მე–7 საჯარო სკოლაში მოეწყო "სამოქალაქო განათლებისა და პედაგოგთა გადამზადების პროგრამის " პრეზენტაცია. პრეზენტაციას უძღვებოდნენ სიქა–ს წარმომადგენლები – პროგრამის კოორდინატორები ქვემო ქართლის რეგიონში. ინფორმაცია სამოქალაქო განათლების პროგრამის შესახებ დიდი ინტერესით მოისმინეს სკოლის დირექტორმა, ადმინისტრაციის წარმომადგენლებმა, სამოქალაქო განათლების პედაგოგებმა და პროგრამით დაინტერესებულმა აქტიურმა უფროსკლასელმა მოსწავლეებმა. 

პროგრამის ყველა მიმართულება დამსწრე აუდიტორიისათვის საინტერესო აღმოჩნდა. განსაკუთრებული ინტერესი კი სტაჟირებისა და მცირე გრანტების პროგრამამ გამოიწვია. სკოლის მოსწავლეებმა სამოქალაქო განათლების პედაგოგებთან ერთად უახლოეს დღეებში სამოქალაქო კლუბის დაფუძნება და აქტიური მუშაობის დაწყება განიზრახეს.

პროგრამის პრეზენტაცია №12 საჯარო სკოლაში

29 მარტს რუსთავის მე–12 საჯარო სკოლაში "სამოქალაქო განათლებისა და პედაგოგთა გადამზადების პროგრამის" პრეზენტაცია მოეწყო. მე–12 საჯარო სკოლა ორ სექტორიანია (ქართული და აზერბაიჯანული სექტორი). პრეზენტაციას ესწრებოდნენ სკოლის სამოქალაქო განათლების პედაგოგები და აქტიური უფროსკლასელი მოსწავლეები. ორივე სექტორის მოსწავლეებმა პროგრამით დიდი დაინტერესება გამოხატეს. შეხვედრისას დაისვა კითხვები სტაჟირების პროგრამის, სხვადასხვა აქტივობებისა და საგრანტო კონკურსების შესახებ. აღნიშნულ საკითხებზე ამომწურავი ინფორმაციის მიღების შემდეგ, მოსწავლეებმა და პედაგოგებმა დასახეს კონკრეტული ღონისძიებები პროგრამაში აქტიური ჩართვისათვის.

საჯარო დებატები რუსთავის სამოქალაქო კლუბებს შორის

28 მარტს, რუსთავის №21 საჯარო სკოლაში "სამოქალაქო განათლებისა და პედაგოგთა გადამზადების პროგრამის"   ფარგლებში მოეწყო საჯარო დებატები რეზოლუციით " საქართველოს საჯარო სკოლებში ფორმით სიარულ ჯობია თავისუფალ ჩაცმულობას". საჯარო დებატებში ერთმანეთს შეხვდა ქ. რუსთავის №15 და №22  საჯარო სკოლების მოდებატეთა გუნდები. გუნდები გულმოდგინედ ემზადებოდნენ საჯარო დებატებისათვის, ჩაატარეს წინასწარი მოკვლევები ქ. რუსთავის სხვადასხვა სკოლების მოსწავლეებსა და დირექციის წარმომადგნელებს შორის ფორმიანობის შესახებ. კვლევის შედეგები მოდებატე მხარეებმა აქტიურად გამოიყენეს დებატების დროს.  გუნდებს შორის დაძაბული დებატების  შუალედში, საჯარო დებატის ფორმატით, დამსწრე აუდიტორიასაც მიეცა საშუალება ჩაბმულიყო დებატებში, გამოეთქვა საკუთარი მოსაზრება და დაესვა კითხვები მომხსენებლებისათვის.

შეხვედრას ესწრებოდნენ პროგრამაში ჩართული რუსთავის 15 საჯარო სკოლის სამოქალაქო განათლების პედაგოგები და სამოქალაქო კლუბების წევრები, ადგილობრივი თვითმმართველობისა და რესურს ცენტრის წარმომადგენლები, არასამთავორობო ორგანიზაციების წარმომადნელები,  ასევე პროგრამა "ჰარმონიის" გრანტების მენეჯერი თამარ ფრუიძე. დებატებს უძღვებოდა დებატების პროგრამის კოორდინატორი ქვემო ქართლის რეგიონში ნინო ვარდიაშვილი.

ქ. რუსთავის საჯარო სკოლების მოსწავლეთა სამოქალაქო კლუბების წევრებმა რეგიონული დებატ ტურნირის ორგანიზებისა და მონაწილეობის სურვილი გამოთქვეს.

ღონისძიების დასასრულს დებატებში მონაწილე მოსწავლეებს გადაეცათ სამახსოვრო საჩუქრები და მადლობის ბარათები.

მასტერ კლასი დებატების ხელოვნებაში

26 მარტს, ქ. რუსთავის #15, #21 და #22 საჯარო სკოლების მოსწავლეთა სამოქალაქო კლუბების მოსწავლეებს, დებატების გამოცდილმა ტრენერმა გიორგი თვალიაშვილმა ჩაუტარა მასტერ კლასი დებატების ხელოვნებაში. შეხვედრა სამი საათი გრძელდებოდა.  მოსწავლეებმა მიიღეს ამომწურავი ინფორმაცია დებატების ტენიკაზე, შემდეგ კი ითამაშეს ფორმალური დებატები კარლ პოპერის (იგივე ფასეულობითი დებატები) ფორმატით. 

თამაშის შემდეგ მოსწავლეებმა მიიღეს კომპეტენტური შენიშვნები და რეკომენდაციები. მონაწილეებმა დღე შეაფასეს როგორც ერთ–ერთი ძალიან ნაყოფიერი და საინტერესო დღე.

მზადება საჯარო დებატებისათვის

16 მარტიდან 11 დღის განმავლობაში ქ. რუსთავის #15 და #22 საჯარო სკოლების მოსწავლეთა სამოქალაქო კლუბების წევრები ინტენსიურად ემზადებოდნენ 28 მარტს დაგეგმილი საჯარო დებატებისთვის: იღებდნენ კონსულტაციებს და ესწრებოდნენ სამუშაო შეხვედრებს  დებატების პროგრამის კოორდინატორთან ნინო ვარდიაშვილთან. მოსწავლები ვარჯიშობდნენ ფორმალური დებატების ტექნიკაში, მუშაობდნენ ქეისებზე და ივითარებდნენ დებატების წარმოებისათვის აუცილებელ უნარებს. ბავშვები დიდი ენთუზიაზმითა და პასუხისმგებლობით მოეკიდნენ საქმეს და მოიხიბლნენ დებატების ხელოვნებით.

პროგრამის პრეზენტაცია რუსთავის მე-11 საჯარო სკოლაში

23 მარტს რუსთავის მე-11 საჯარო სკოლაში მოეწყო "სამოქალაქო განათლებისა და პედაგოგთა გადამზადების პროგრამის" პრეზენტაცია პროგრამის კოორდინატორების მიერ ქვემო ქართლის რეგიონში.
პრეზენტაციას დაესწრნენ სკოლის უფროსკლასელი აქტიური მოსწავლეები, სკოლის ადმინისტრაცია.
აუდიტორიას მიეწოდა ვრცელი, დეტალური ინფორმაცია პროგრამის მიმართულებებისა და მოსწავლეთა ჩართულობის შესახებ.
მოსწავლეთა ინტერესის ფონზე გადაწყდა უახლოეს მომავალში მოსწავლეთა სამოქალაქო კლუბის დაარსება და პროგრამის მიმართულებებში აქტიური ჩართვა.

საქალაქო ღონისძიების დაგეგმვა

16 მარტს “სიქას“ ოფისში  შედგა სამუშაო შეხვედრა საქალაქო ღონისძიების განსახორციელებლად. შეხვედრას ესწრებოდნენ  №15, № 21, №22, და №25 სკოლის მოსწავლეები. სამუშაო რეჟიმში მოსწავლეები გაეცნენ დებატების ხელოვნებას და კერძოდ კი კარლ პოპერის, იგივე ფასეულობათა ფორმატს და ჩამოყალიბდა №22 და №15 საჯარო სკოლების მოსწავლეებისგან  2 გუნდი.

ბავშვებმა მიიღეს ინფორმაცია, თუ რა არის დებატები და კერძოდ, ფასეულობათა დებატების ტექნიკა. გაიგეს  როგორც შინაარსობლივი მხარე, ასევე ტექნიკური. დაიგეგმა  მოთამაშე გუნდებთან შემდეგი სამუშაო შეხვედრები.

ტრენინგები სოციალურ მედიაში

11-12 მარტს სიქა-ს ოფისშჲ ჩატარდა ტრენიგნები სოციალური მედიის გამოყენებაში. ტრენინგს უძღვებოდა ნინო ბიგვავა - პროგრამა ჰარმონიის ინფორმაციისა და სოციალური ქსელების მენეჯერი.
ტრენიგნს დაესწრო 12 მოსწავლე რუსთავის 8 საჯარო სკოლიდან. ორი დღჲს განმავლობაშჲ მოსწავლეებმა შეისწავლეს სოც. მედიის ინსტრუმენტების გამოყენება - wordpress.com, Youtube.com, dotsub.com. ტრენინგის განმავლობაში შეიქმნა საინტერესო ბლოგები, რომელთა მთავარი თემა სხვადასხვა სამოქალაქო აქტივობების გაშუქებაა.

9 მარტის შეხვედრა სიქა-ს ოფისში

9 მარტს სიქა-ს ოფისში რუსთავის საჯარო სკოლების სამოქალაქო კლუბების წარმომადგენლები შეხვდნენ საქართველოში ორჰუსის კონვენციის ცენტრის მენეჯერს - ხათუნა გოგალაძესა და საქართველოს საერთაშორისო განვითარების სააგენტოს წარმომადგენელს- გიორგი მაღრაძეს.  შეხვედრას ესწრებოდა 15 მოსწავლე და 1 პედაგოგი. თავდაპირველად გიორგი მაღრაძემ ისაუბრა მდგრადი განვითარების შესახებ და ადამიანის მზაობაზე ამ მიმართულებით, რომლის შემდეგ შედგა დისკუსია მოსწავლებთან, თუ რამდენად გაათვითცნობიერეს ახალგაზრდებმა ის ინფორმაცია, რაც მათ დღეს მიიღეს.

შემდეგ ხათუნა გოგალაძემ ისაუბრა ორჰუსის კონვენციის შესახებ, რომელიც უზრუნველყოფს საზოგადოების უფლების დაცვას გარემოსდაცვითი კანონმდებლობის სრულყოფისა და აღსრულების პროცესში და განმარტა ეს უფლებები. დასასრულს გიორგი მაღრაძემ და ხათუნა გოგალაძემ სამოქალაქო კლუბის წარმომადგენლებს დაურიგეს მათი ორგანიზაციების ბუკლეტები, კალენდრები და ბიულეტენები. მოსწავლეებმა   აღნიშნეს, რომ მიღებულ ინფორმაციას აუცილებლად გამოიყენებენ კლუბების მიერ დაგეგმილ გარემოსდაცვით ღონისძიებებში.

შეხვედრის მეორე ნაწილში სამოქალაქო კლუბების წარმომადგენლებმა ისაუბრეს კლუბების მიერ განხორციელებულ ღონისძიებებზე. ასევე დაიგეგმა 1 სამოქალაქო აქტივობა დებატების სახით და შეირჩა მოდებატე სკოლებიც.

შეხვედრის დასასრულს საგრანტო განაცხადზე მომუშავე კლუბის წევრებს ჩაუტარდათ კონსულტაციები საგრანტო განაცხადთან დაკავშირებით.

2 მარტის მორიგი საკონსულტაციო შეხვედრა სიქა-ს ოფისში

2 მარტს სიქა-ს ოფისში ჩატარდა უკვე ტრადიციულად ქცეული საკონსულტაციო შეხვედრა სამოქალაქო კლუბის წევრებთან, რომელსაც 21 მონაწილე ესწრებოდა, მათ შორის 5 პედაგოგი. დასაწყისში ინფორმაცია მიეწოდათ სიქა-ს აქციის შესახებ, რომელიც ითვალისწინებს დედის დღეს  - 3 მარტს მანდილოსნებისთვის ვორკშოპის ჩატარებას ელ.ფოსტის გამოყენებაზე, რომელზე დასწრებაც თავისუფალია. ასევე გაკეთდა განცხადება  სოც.ქსელების ტრენინგების შესახებ, რომელიც ჩატარდება სიქა-ს ოფისში 11-12 მარტს და გაუძღვება PH International-ის საქართველოს წარმომადგენლობაში ინფორმაციისა და სოციალური ქსელების მენეჯერი ნინო ბიგვავა. სამოქალაქო კლუბებს დაევალათ ტრენინგზე დამსწრე მოსწავლეების სიის მოწოდება 1 კვირის ვადაში. ასევე 1 კვირა გაგრძელდა სტაჟირების პროგრამისთვის აპლიკაციების მიღების ვადაც, რომლის დასრულების შემდეგ სიქა უკვე დაუკავშირდება შესაბამის ორგანიზაციებს. მოხდა http://civics.ge/ საიტის პრეზენტაცია, რომელზეც განთავსდება ინფორმაციები საქართველოს მასშტაბით ამ პროგრამის ფარგლებში განხორციელებული ყველა აქტივობის შესახებ. 

შეხვედრის ერთ-ერთი მთავარი თემა იყო სამოქალაქო კლუბების მუშაობის შესახებ ინფორმაციის მიღება და განხორციელებულ ღონისძიებებზე ანგარიშის მოსმენა. ყველა სკოლას დაურიგდათ კლუბის ანგარიშისა და კლუბის სამუშაო გეგმის ფორმები, ელ.ვარიანტებიც დაეგზავნათ ელ.ფოსტით და დაევალათ, რომ უკვე ორშაბათისთვის შევსებული სახით წარმოადგინონ. დისკუსია შედგა, თუ რა სახის სამოქალაქო ღონისძიებების ჩატარება შეუძლიათ კლუბებს და რა სახის დახმარება შეუძლია გაუწიოს სიქა-მ, რომ ამისათვის განაცხადი დაგეგმილ ღონისძიებებზე მინიმუმ 2 კვირით (ადრე მიწოდებული ფორმის მიხედვით) უნდა გაკეთდეს. ასევე ყურადღება გამახვილდა მეურვის პასუხისმგებლობაზე, რომ სასურველია მეურვე ანუ სამოქალაქო განათლების პედაგოგი საქმის კურსში იყოს, თუ რახდება კლუბის შიგნით და დაეხმაროს მათ მუშაობაში.
შეხვედრის მეორე მთავარი თემა იყო მცირე გრანტები, რომლის დედლაინმა გადაიწია 15 მარტისთვის. პროექტორის საშუალებით ეკრანზე დემონსტრირება მოხდა, თუ როგორ უნდა შეავსონ საგრანტო განაცხადისა და პროექტის ბიუჯეტის ფორმები, ასევე თანამონაწილეობის დოკუმენტები.  სამოქალაქო კლუბებს თუ დასჭირდათ, სიქა მათ დაეხმარება ამ ფორმების შევსებასა და ნებისმიერი სხვა სახის კონსულტაციების მიღებაში.

23 თებერვლის შეხვედრა

სიქა-ში გრძელდება ყოველკვირიული შეხვედრები სამოქალაქო კლუბების წარმომადგენლებთან. 23 თებერვალს სიქა-ს ოფისში შედგა მორიგი შეხვედრა პროგრამის კოორდინატორებსა და №4 და №22 სკოლის მოსწავლეებს შორის. მიუხედავად იმისა, რომ №22 სკოლაში სულ ერთი კვირაა, რაც შეიქმნა სამოქალაქო კლუბი, მოსწავლეებმა უკვე მოამზადეს საკუთარი წესდება, ორგანიზაციული საკითხებიც მოაგვარეს და მზადყოფნაც გამოთქვეს საგრანტო პროგრამაში ჩართულობის შესახებ.

შეხვედრაზე მოხდა მცირე გრანტების საიტის დათვალიერება.მოსწავლეებს მიეცათ შესაბამისი რეკომენდაციები. ასევე განიხილეს სამოქალაქო კლუბებში მიმდინარე მუშაობა და ახლო მომავლის გეგმებზეც ისაუბრეს. დაურიგდათ ფორმა „ინფორმაცია დაგეგმილი ღონისძიების შესახებ“, რომელიც დაეხმარებათ მათ გაწერონ ყოველი განსახორციელებელი ღონისძიების პროექტი (გეგმა). შეხვედრაზე ასევე გამოიკვეთა ისტ ტრენინგების საჭიროება ელ-ფოსტასთან მუშაობასთან დაკავშირებით . შეთანხმდნენ, რომ სიქა აუცილებლად დაგეგმავს ტრენინგებს ისტ ტექნოლოგების გამოყენების უნარების გასაუმჯობესებლად ამ სკოლების მოსწავლეებისათვის მომდევნო კვირაში, რის შესახებაც დამატებითი ინფორმაცია აუცილებლად მიეწოდებათ მოსწავლეებს.

შეხვედრას ესწრებოდა ასევე იურისტი იოსებ პირველი, რომელმაც გამოთქვა სამოქალაქო კლუბებთან თანამშრომლობის სურვილი.

კონსულტაციები საგრანტო პროექტებთან დაკავშირებით

17 თებერვალს სიქა-ს ოფისში გაიმართა კონსულტაცია მცირე გრანტების პროექტებთან დაკავშირებით, რომელსაც ესწრებოდნენ რუსთავის №1, 2, 4, 5, 10, 21 და 25 სკოლების მოსწავლეები და სამოქალაქო განათლების პედაგოგები. შეხვედრის მიზანი იყო:

• მცირე გრანტების სააპლიკაციო ფორმის ყველა მუხლის განმარტება-ანალიზი;
• აუცილებელი თანდართული ფორმების: სამუშაო განრიგისა და ბიუჯეტის შედგენა.

საგრანტო პროექტის ბიუჯეტის მაგალითის განხილვით, მოსწავლეები უფრო კარგად გაერკვნენ ბიუჯეტის შედგენის ნიუანსებში. 

შეხვედრას ესწრებოდა PH International-ში გრანტების მენეჯერი თამუნა ფრუიძე, რომელიც დაინტერესდა სამოქალაქო კლუბების საქმიანობით: რა სიხშირით იკრიბებიან და რა საკითხებთან დაკავშირებით. კლუბების წარმომადგენლებმა ისაუბრეს მათ მერ გაწეულ სამუშაოებზე და რჩევებიც მიიღეს გრანტების მენეჯერისგან.

მსგავსი შეხვედრები სიქა-ს ოფისში პერიოდულად ჩატარდება, რაც ხელს შეუწყობს საგრანტო პროექტების დახვეწას და დამუშავებას.

#22 საჯარო სკოლის სამოქალაქო კლუბის სამუშაო შეხვედრა

15 თებერვალს ქ. რუსთავის #22 საჯარო სკოლაში შედგა პროგრამის ფარგლებშჲ დაფუძნებული სამოქალაქო კლუბის პირველი სამუშაო შეხვედრა. შეხვედრას ესწრებოდა სკოლის 29 მოსწავლე და მეურვე პედაგოგი. მოსწავლეები გაეცნენ კლუბის მუშაობისთვის საჭირო ძირითად კონცეფციას. გონებრივი იერიშის შედეგად ჩამოყალიბდნენ თუ რა სჭირდება კლუბურ მუშაობას საწყის ეტაპზე. დაგეგმეს შემდეგი სამუშაო შეხვედრა და განრიგი.

# 21 საჯარო სკოლის სამოქალაქო კლუბი

2011 წლის 14 თებერვალს „სიქა-საგანმანათლებლო ინიციატივების ქართული ასოციაციის“ ოფისში შედგა #21 საჯარო სკოლის სამოქალაქო კლუბის პირველი სამუშაო შეხვედრა, რომელიც საკმაოდ ნაყოფიერი აღმოჩნდა. შეხვედრას ესწრებოდა 16 მონაწილე. კლუბის წევრებმა შეიმუშავეს კლუბის მუშაობისთვის საჭირო ძირითადი კონცეფცია. მოსწავლეებმა ფარული კენჭისყრის შედეგად აირჩიეს კლუბის მმართველი რგოლი, რომელესაც გარკვეული ფუნქცია- მოვალეობები დააკისრეს. . კლუბის წევრები შეთანხმდნენ შემდეგ სამუშაო შეხვედრაზე.

პროგრამის პრეზენტაცია რუსთავის 22–ე საჯარო სკოლაში

11 თებერვალს ქ. რუსთავის 22–ე საჯარო სკოლაში სიქა–ს წევრებმა მოაწყვეს "სამოქალაქო განათლებისა და პედაგოგთა გადამზადების პროგრამის" პრეზენტაცია. პროგრამის მიზნებსა და მის ფარგლებში დაგეგმილ აქტივობებს გაეცვნენ სკოლის 57 მოსწავლე, სამოქალაქო განათლების პედაგოგები, სკოლის დირექტორი.

სკოლის დირექციამ და მოსწავლეებმა გამოთქვეს სურვილი აქტიურად ჩაერთონ პროგრამის განხორციელებაში. დაიგეგმა სამუშაო შეხვედრა სკოლაში სამოქალაქო კლუბის დაარსების ხელშეწყობისათვის. სკოლის დირექციამ ასევე თანადგომა აღუთქვა აქტიურ მოსწავლეებს სამოქალაქო აქტივობების განხორციელების საქმეში.

პროგრამის პრეზენტაცია რუსთავის 21–ე საჯარო სკოლაში

2011 წლის 11 თებერვალს რუსთავის 21–ე საჯარო სკოლაში შედგა "სამოქალაქო განათლებისა და პედაგოგთა გადამზადების პროგრამის" პრეზენტაცია.

პრეზენტაციას ესწრებოდნენ სკოლის 21 უფროსკლასელი, სამოქალაქო განათლების 3 პედაგოგები, სკოლის ფსიქოლოგი.

პრეზენტაციას უძღვებოდნენ პროგრამის დირექტორი ქვემო ქართლის რეგიონში ინგა პაიჭაძე, პროგრამის სხვადსხვა მიმართულებების კოორდინატორები ცირა თავშავაძე და ნინო ვარდიაშვილი.

მოსწავლეებმა სამოქალაქო განათლების პროგრამაში ჩართვის დიდი ინტერესი გამოთქვეს. დაიგეგმა პირველი სამუშაო შეხვედრა, რომელზეც მოსწავლეებს დაეწევათ დახმარება კლუბის სტრუქტურირებისა და სამოქმედო გეგმის შემუშავებაში.

პროგრამით დიდი დაინტერესება გამოხატეს სამოქალაქო განათლების პედაგოგებმაც, რომლებმაც გულისტკივილი გამოთქვეს სამოქალაქო განათლების სახელმძღვანელოების სიმწირის გამო.

10 თებერვალს სიქა-ს ოფისში შედგა სამუშაო შეხვედრა, რომელსაც  ქ.რუსთავის სკოლების სამოქალაქო კლუბების 8 წარმომადგენელი დაესწრო. მათ ჩაუტარდათ ტრენინგი ელ.ფოსტის პრაქტიკული გამოყენების შესახებ. №1, №2 და №5 სკოლის მოსწავლეებმა ისწავლეს ელ.ფოსტით ფაილების მიღება-გადაგზავნა. შეხვედრის შემდეგ დაევალათ სტაჟირების პროგრამასთან დაკავშირებით  შევსებული აპლიკაციების გადმოგზავნა.

მორიგი საინფორმაციო შეხვედრა

2011 წლის 3 თებერვალს სიქა-ს ოფისში შემდგარ შეხვედრაზე  პროგრამის კოორდინატორებმა ქ.რუსთავის №10 და 25 საჯარო სკოლების მოსწავლეთა სამოქალაქო კლუბების წარმომადგენლებს  ინფორმაცია მიაწოდეს პროექტის ფარგლებში გამოცხადებულ საგრანტო კონკურსის შესახებ -  ვის და როგორ შეუძლია კონკურსში მონაწილეობის მიღება, რა ვადებში  და რომელი საკონკურსო თემების მიხედვით,  მოხდა საიტის http://initiatives.ph-int.org/ დათვალიერება, სადაც განთავსებულია საგრანტო კონკურსის სააპლიკაციო ფორმები. 

ასევე მოხდა საგრანტო განაცხადის ფორმის განხილვა: მისი მოთხოვნების, პუნქტების, შევსების პირობების. იმსჯელეს და შეთანხმდნენ საგრანტო განაცხადზე მუშაობის პროცესში კონსულტაციების მიღების ფორმასა და გრაფიკზე. სკოლებიდან შეირჩა საკონტაქტო პირები (მოსწავლეები), რომლებიც პროგრამის კოორდინატორებთან იქნებიან რეგულარულად ონლაინ კავშირში, გაცვლიან ინფორმაციას კლუბების მუშაობისა და პროექტის მიმდინარეობის შესახებ.  
სამოქალაქო კლუბების წარმოადგენლებმა ასევე ინფორმაცია მიიღეს მოსწავლეებისთვის სტაჟირების პროგრამისა და მასში მონაწილეობის შესახებ. გაეცნენ სტაჟირების პროგრამაში მონაწილეობის მსურველთა სააპლიკაციო ფორმას, მისი შევსებისა და პარტნიორი ორგანიზაციისთვის მიწოდების ფორმებს.
სიქას ოფისში გრაფიკის მიხედვით რეგულარულად შედგება შეხვედრები ქ.რუსთავის მოსწავლეთა სამოქალაქო კლუბების წარმომადგენლებსა და პროგრამის კოორდინატორებს შორის.

პირველი შეხვედრა საგრანტო კონკურსის შესახებ

2011 წლის 2 თებერვალს სიქა-ს ოფისში მოეწყო შეხვედრა ქ.რუსთავის მოსწავლეთა სამოქალაქო კლუბებისა და პროგრამის კოორდინატორებს შორის. სამუშაო შეხვედრაზე მოსწავლეებმა მიიღეს ინფორმაცია პროექტის ფარგლებში გამოცხადებული საგრანტო კონკურსის შესახებ. გაეცნენ კონკურსში მონაწილეობის პირობებს, ვადებსა და საკონკურსო თემებს, განიხილეს საგრანტო განაცხადის ფორმა: მისი მოთხოვნები, პუნქტები, შევსების პირობები. იმსჯელეს და შეთანხმდნენ იმის შესახებ, თუ რა ფორმით და როგორი გრაფიკით შეძლებენ კონსულტაციების მიღებას საგრანტო განაცხადზე მუშაობის პროცესში. მოსწავლეები გაეცნენ საიტს http://initiatives.ph-int.org/, სადაც განთავსებულია საგრანტო კონკურსის სააპლიკაციო ფორმები. სკოლებიდან შეირჩა საკონტაქტო პირები (მოსწავლეები), რომლებიც პროგრამის კოორდინატორებთან იქნებიან რეგულარულად ონლაინ კავშირში, გაცვლიან ინფორმაციას კლუბების მუშაობისა და პროექტის მიმდინარეობის შესახებ. დაიგეგმა რეგულარული შეხვედრების გრაფიკი სიქას ოფისში ქ.რუსთავის მოსწავლეთა სამოქალაქო კლუბების წარმომადგენლებსა და პროგრამის კოორდინატორებს შორის.

შეხვედრა 2011 წლის 2 თებერვალს

2011 წლის 2 თებერვალს „სიქა-საგანმანათლებლო ინიციატივების ქართული ასოციაციის“ ოფისში შედგა ქ.რუსთავის მოსწავლეთა სამოქალაქო კლუბებისა და პროექტის წარმომადგენელთა სამუშაო შეხვედრა.

შეხვედრას დაესწრო ქ.რუსთავის მოსწავლეთა სამოქალაქო განათლების კლუბების 12 წარმომადგენელი.

სამუშაო შეხვედრის პირველი ნახევარი დაეთმო მოსწავლეებისთვის სტაჟირების პროგრამის ორგანიზებას. მოსწავლეებმა მიიღეს კონკრეტული ინფორმაცია პროგრამისა და მასში მონაწილეობის შესახებ. მათ დასვეს კითხვები თემის ირგვლივ. გაეცნენ სტაჟირების პროგრამაში მონაწილეობის მსურველთა სააპლიკაციო ფორმას, მისი შევსებისა და პარტნიორი ორგანიზაციისთვის მიწოდების ფორმებს. შეხვედრაზე მოსწავლეები შეხვდნენ მოწვეულ სტუმარს, იურისტს, განათლების სფეროს მუშაკს, რუსთავის მკვიდრს იოსებ პირველს. სტუმარმა ისაუბრა სამოქალაქო განათლების როლსა და მნიშვნელობაზე, ხაზი გაუსვა მოსწავლეებისთვის ასეთი ცოდნისა და უნარის საჭიროებას სკოლაში სწავლის პეროდშივე. მოსწავლეებმა გამოკვეთეს ის საკითხები, რომელზეც ისურვებდნენ შემდეგში უფრო მეტი ინფორმაციის და გამოცდილების მიღებას. მოსწავლეებმა სტუმრისგან მიიღეს შეთავაზება კომპეტენტური იურიდიული კონსულტაციის მიღების შესაძლებლობებზე და შეთანხმდნენ კონსულტაციის გზებსა და ფორმებზეც.

პროგრამის პრეზენტაცია რუსთავის სკოლების დირექტორებისათვის

1 თებერვალს რუსთავის საგანმანათლებლო რესურს-ცენტრში მოეწყო "სამოქალაქო განათლებისა და პედაგოგთა გადამზადების პროგრამის" პრეზენტაცია. შეხვედრას ესწრებოდა რუსთავის 26 სკოლის დირექტორი და ადმინისტრაციის წარმომადგენელი. მათ მიეწოდათ ინფორმაცია პროგრამის მიმართულებებისა და პროგრამის ფარგლებში დაგეგმილი აქტივობების შესახებ.

ისტ ტრენინგები სოციალური ქსელების გამოყენებაში

28-30 დეკემბერს №1 და №25 საჯარო სკოლების მოსწავლეთა კლუბების წარმომადგენლებს (5 მოსწავლე) სიქა-ს ოფისში ჩაუტარდათ ისტ ტრენინგები სოციალური ქსელების გამოყენებაში. კერძოდ, მოსწავლეები დარეგისტრირდნენ gmail.com-ზე, ისწავლეს ელ.ფოსტაში მუშაობა, ინტერნეტში საკუთარი ფოტო-ალბომების შექმნა, გაეცვნენ Facebook.com-ს და შექმნეს მასზე საკუთარი სამომხმარებლო გვერდი მასზე.

მოსწავლეები ასევე გაერკვნენ იმაში, თუ როგორ გამოიყენებენ ამ ტრენინგებზე მიღებულ ცოდნას კლუბებში მუშაობის დროს.

ბოლო შეხვედრაზე შეთანხმდნენ, რომ კლუბში მუშაობის დროს როცა დასჭირდებათ ისტ ტექნოლოგიების გამოყენებასთან დაკავშირებით ინფორმაციის მიღება, ასეთი სახის სამუშაო შეხვედრები კვლავ შედგება.